Naon bedana khutbah jeung biantara

Kategori Soal : Bahasa Sunda - Biantara
Kelas : VIII (2 SMP)
Pembahasan :

Umpama ditilik sacara umum, hutbah jeung biantara teh miboga sasaruaan, nyaeta sarua-sarua mangrupa kagiatan nepikeun caritaan atawa kedalan di hareupeun jalma rea, anu naskahna disusun sacara merenah tur rapih. Tapi umpama ditilik sacara khusus, hutbah jeung biantara teh aya bedana. Di handap ieu dijentrekeun bedana hutbah jeung biantara, nyaeta :

1. Hutbah mah nepikeun caritaan atawa kedalan anu eusina ngeunaan ajaran agama Islam, nyaeta dina raraga ningkatkeun kaimanan jeung katakwaan ka Allah SWT. Sedengkeun biantara mah nyaeta nepikeun caritaan atawa kedalan anu eusina bisa ngenaan pasualan naon wae.

2. Hutbah biasa ditepikeun di tempat saperti masjid atawa lapangan, dina waktu saperti sholat Jum'at, sholat Iedul Fitri atawa Iedul Adha. Sedengkeun biantara mah bisa ditepikeun dimana wae jeung waktuna iraha wae.

3. Hutbah mah miboga susunan anu khusus, saperti dina hutbah mah aya bagian anu disebut hutbah kahiji jeung hutbah kadua. Sedengkeun biantara mah henteu miboga susunan anu khusus, dina biantara mah henteu aya anu disebut biantara kahiji atawa biantara kadua saperti anu aya dina hutbah.

4. Sumber anu biasana dicutat pikeun nepikeun hutbah nyaeta tina kitab suci Al Qur'an atawa hadits. Sedengkeun sumber anu dicutat pikeun nepikeun biantara sumberna bisa ti mana wae.

5. Wangun hutbah mah salawasna mangrupa nepikeun caritaan atawa kedalan dina suasana anu resmi. Sedengkeun wangun anu aya dina biantara mah aya dua rupa, nyaeta aya biantara anu resmi jeung biantara anu henteu resmi.